কলিয়াবৰৰ বুঢ়াপাহাৰ চাহ বাগিচাত চাহ শ্ৰমিকৰ তীব্ৰ প্ৰতিবাদ।
শ্ৰমিকসকল নিৰ্দিষ্ট সময়তকৈ কেইমিনিটমান সময় পলমকৈ কামত উপস্থিত হোৱাৰ বাবেই কাম কৰিবলৈ নিদিয়ে বাগান কৰ্তৃপক্ষই।
কাম কৰিবলৈ নিদিয়াৰ বাবে চাহ শ্ৰমিক সকলে বাগান কৰ্তৃপক্ষৰ বিৰুদ্ধে তীব্ৰ প্ৰতিবাদ সাব্যস্ত কৰে লগতে শ্ৰমিকসকলৰ বিভিন্ন অভাৱ-অভিযোগৰ পূৰণৰ দাবীত তীব্ৰ প্ৰতিবাদ সাব্যস্ত কৰে শ্ৰমিকসকলে।
চাহ মজদুৰ সংঘৰ প্ৰতিনিধি উপস্থিত হৈ ঘটনাৰ বুজ লোৱাৰ লগতে শ্ৰমিকৰ অসুবিধাসমূহ নিৰীক্ষণ কৰিবলৈ শ্ৰম পৰিদৰ্শকক জনাই।
ঘৰ, পানী, পথকে ধৰি জীৱ-জন্তুৰ পৰা সুৰক্ষা দিয়াৰ দাবীও উত্থাপন কৰে প্ৰতিবাদকাৰীয়ে।
কলিয়াবৰৰ পৰা অনুপ বৰা।