আমেৰিকাত ভয়ংকৰ পথ দুৰ্ঘটনাত
প্ৰাণ হেৰুৱালে ৩ গৰাকী ভাৰতীয় যুৱতীয়ে। নিহত যুৱতী কেইগৰাকী গুজৰাটৰ বাসিন্দা বুলি জানিব পৰা গৈছে । নিহত যুৱতী তিনিগৰাকী হৈছে ৰেখাবিন পেটেল, সংগীতাবিন পেটেল আৰু মনীষাবিন পেটেল।
শনিবাৰে পুৱা দক্ষিণ কেৰ’লিনাত সংঘটিত হয় এই দুর্ঘটনাটো। গ্রীণভিল কাউন্টিৰ ওচৰৰ এখন ফ্লাই অভাৰত নিয়ন্ত্ৰণ হেৰুৱাই তেওঁলোকৰ গাড়ীখন দুৰ্ঘটনাত পতিত হয়।
গ্রীণভিল আৰক্ষীৰ মতে, দ্রুতবেগী এছ ইউ ভিখনে নিয়ন্ত্রণ হেৰুৱাই ৰেলিঙত খুন্দা মাৰি কমেও ২০ ফুট ওপৰৰ পৰা তলৰ পথৰ এডাল গছৰ ওপৰত পৰি যায়। দুৰ্ঘটনাৰ ফলত গাড়ীখন সম্পূৰ্ণৰূপে বিধ্বস্ত হৈ পৰে।
