ৰঙিয়াৰ ২৭ ৰাষ্ট্ৰীয় ঘাইপথৰ উদিয়ানাত পথ দুৰ্ঘটনা । দ্ৰুতবেগী বাহনে খুন্দিয়ালে বাইকক । দুৰ্ঘটনাটোত গুৰুতৰভাৱে আহত হৈছে দুজনকৈ বাইক আৰোহী । পুৱতি নিশা আৰক্ষীয়ে দুৰ্ঘটনাত গুৰুতৰভাৱে আহত যুৱক দুজনক চিকিৎসালয়ত ভৰ্তি কৰায় । দুৰ্ঘটনাটো কেতিয়া সংঘটিত হৈছিল সেয়া বৰ্তমানলৈকে স্পষ্ট হোৱা নাই । একাংশৰ সন্দেহ নলবাৰী অভিমুখী অচিনাক্ত বাহনে নলবাৰী অভিমুখী AS 25 X 4702 নম্বৰৰ পালচাৰ এন এছ বাইকখনক খুন্দিয়াছে । দুৰ্ঘটনা সংঘটিত কৰিয়ে চালকে বাহনখন লৈ পলায়ন কৰিছে । পুৱতি নিশাহে আৰক্ষীয়ে দুৰ্ঘটনাটোৰ খবৰ লাভ কৰে । দুৰ্ঘটনাটোত গুৰুতৰভাৱে আহত যুৱক দুজনৰ পৰিচয় জানিব পৰা হোৱা নাই ।
