শুৱালকুছি পাব্লিক স্কুলৰ সম্বৰ্দ্ধনা অনুষ্ঠান

শুৱালকুছিকে ধৰি পাৰ্শ্বৱৰ্তী অঞ্চলৰ ব্যক্তিগত খণ্ডৰ অগ্ৰণী শিক্ষানুষ্ঠান শুৱালকুছি পাব্লিক স্কুলৰ দশম শ্ৰেণীৰ পৰীক্ষাত উত্তীৰ্ণ ছাত্ৰ-ছাত্ৰীক আনুষ্ঠানিক সম্বৰ্দ্ধনা জনোৱাৰ উদ্দেশ্যে অনুষ্ঠিত কৰা হয় সম্বৰ্ধনা অনুষ্ঠান । শ্ৰীশ্ৰী ঈশ্বৰ হাটীসত্ৰৰ সভাকক্ষত অনুষ্ঠিত সভাত বিদ্যালয় পৰিচালনা সমিতিয়ে আয়োজন কৰা সভাত বিদ্যালয় পৰিচালনা সমিতিৰ সভাপতি ডাঃ কাৰ্তিক চন্দ্ৰ মেধিৰ সভাপতিত্ব কৰে । সভাত বিদ্যালয়খনৰ পৰা ২০২৩-২৪ শিক্ষাবৰ্ষত সুখ্যাতিৰে উত্তীৰ্ণ হোৱা ২২ গৰাকী কৃতী ছাত্ৰ-ছাত্ৰীক সম্বৰ্দ্ধনা জ্ঞাপন কৰা হয় । সম্বৰ্দ্ধনা অনুষ্ঠানত দামপুৰ হাইস্কুলৰ প্ৰধান শিক্ষক আনোৱাৰ হুছেইন, হালোগাঁও উচ্চতৰ মাধ্যমিক বিদ্যালয়ৰ বিষয় শিক্ষক গৌৰাঙ্গ বৰা, ছল্টব্ৰুক একাডেমী মিৰ্জাৰ অধ্যক্ষ নলিনী ৰঞ্জন শৰ্মা, অনাতাৰ শিল্পী তথা সমাজকৰ্মী কনকলতা দাস, সমাজ কৰ্মী নৰেশ শৰ্মা বিশিষ্ট অতিথি হিচাপে উপস্থিত থাকি ছাত্ৰ-ছাত্ৰী উদ্দেশ্যি বক্তব্য প্ৰদান কৰে। অনুষ্ঠানটিত কৃতী ছাত্ৰ-ছাত্ৰী সকলৰ অভিভাৱক সকলৰ লগতে বিদ্যালয়ৰ অন্যান্য ছাত্ৰ-ছাত্ৰী আৰু অভিভাৱক সকলো উপস্থিত থাকে।