মুম্বাইৰ এণ্টপ হিলত সংঘটিত হৈছে এক হৃদয় বিদাৰক ঘটনা। বাতৰি অনুসৰি এখন পৰিত্যক্ত গাড়ীৰ পৰা উদ্ধাৰ হৈছে দুটা শিশুৰ মৃতদেহ। পৰিত্যক্ত বাহনখনৰ দুৱাৰ বন্ধ কৰি খেলি থকা অৱস্থাতে শ্বাহৰুদ্ধ হৈ দুয়োটা শিশুৰ মৃত্যু হয় বুলি সন্দেহ কৰা হৈছে । মৃত শিশু দুটি সম্বন্ধত ভাই-ভনী।
মৃত ল’ৰাটোৰ নাম ছাজিদ আৰু ছোৱালীজনীৰ নাম মুস্কান। এণ্টপ হিল আৰক্ষীয়ে গোচৰ পঞ্জীয়ন কৰি বিষয়টোৰ তদন্ত আৰম্ভ কৰিছে । তথ্য অনুসৰি এজনৰ বয়স ৫ বছৰ আৰু আনজনৰ বয়স ৭ বছৰ।
জানিব পৰা মতে, দুয়োজনে দুপৰীয়া সময়ত ঘৰৰ বাহিৰত খেলি থকা অৱস্থাতে সন্ধানহীন হৈ পৰিছিল বহু সময়লৈকে ঘৰলৈ উভতি নহাত পৰিয়ালৰ লোকে শিশু দুটিক বিচাৰিবলৈ আৰম্ভ কৰে। শিশু দুটিক বিচাৰি নোপোৱাত পৰিয়ালৰ লোকে থানাত নিৰুদ্দেশ হোৱাৰ অভিযোগ দাখিল কৰে।
বিষয়টোৰ। গুৰুত্ব বুজি আৰক্ষীয়ে তালাচী অভিযান আৰম্ভ কৰে যদিও অঞ্চলটোৰ চিচিটিভি ফুটেজ স্কেন কৰাৰ পিছতো ক’তোৱে শিশু দুটিৰ কোনো ধৰণৰ গতিবিধি দেখা পোৱা নগ’ল।ইয়াৰ পিছত আৰক্ষীয়ে পুনৰ ঘৰৰ চাৰিওফালে তদন্ত কৰি ধূলিৰে আবৃত এখন পুৰণি গাড়ীৰ ওপৰত চকু পৰে। গাড়ীখন বহুদিন তাতেই ৰখাই থোৱা আছিল। ম’বাইল টর্চ লৈ আৰক্ষীয়ে গাড়ীখনৰ ভিতৰত চোৱাত দুয়োজনকে দেখা পায় তাৰ পৰা উদ্ধাৰ কৰি লগে লগে দুয়োকে চিকিৎসালয়লৈ লৈ প্ৰেৰণ কৰা হয় যদিও ইতিমধ্যে দুয়োৰে মৃত্যু হৈছিল বুলি জনায় চিকিসকে।